Bumaba na ang lebel ng tubig sa Marikina River.
Ito ay matapos ang naranasang magdamag na pag-ulan sa Metro Manila dulot ng habagat.
Batay sa pinakahuling tala ng Marikina City Rescue 161, bumaba na sa 13 meters ang lebel ng tubig sa ilog mula sa 14.4 meters kaninang alas-6 ng umaga.
Sa ngayon, nananatili ito sa normal at walang nakataas na alarma.
Gayunpaman, pinapayuhan ang mga residente ng lungsod na maging alerto at manatiling naka-antabay sa mga update. | ulat ni Diane Lear
