Naglaan ang Department of Agriculture (DA) ng P135.8 milyong halaga ng pasilidad at tulong pinansyal sa mga magsasaka sa dalawang bayan sa Nueva Ecija.
Pinangunahan ni Agriculture Secretary Francisco Tiu Laurel, Jr. ang pamamahagi ng mga rice mill at dryer sa Jaen at Guimba na kung saan makikinabang ang mahigit 300 mga magsasaka.
Tiniyak naman ni Secretary Laurel ang tulong para sa mga magsasaka upang mapalakas ang kanilang kakayahan.
Ilan kasi sa mga pasilidad na ginagamit ng mga ito para sa pagpapatuyo ng palay ay sira-sira na dahil sa katandaan ng mga pasilidad.
Bukod dito, naglaan din ang DA Regional Field Office III ng iba pang tulong na nagkakahalaga ng P13 milyon.
Ang naturang mga pasilidad ay nagmula sa PhilMech na pangunahing ahensya ng DA para sa Rice Competitiveness and Enhancement Fund Mechanization Program. | ulat ni Diane Lear
