Kinumpirma ni PNP Public Information Office (PIO) Chief Police Col. Jean Fajardo na nasa kustodiya na ng Immigration authorities sa Indonesia ang dalawang kasama ni dating Bamban Mayor Alice Guo na si Cassandra Ong at kapatid na si Shiela Guo.
Sa pulong balitaan sa Camp Crame, sinabi ni Fajardo na ito ay resulta ng koordinasyon ng Foreign Liason Division ng PNP sa pamamagitan ng mga Police Attache sa kanilang foreign counterparts.
Ayon kay Fajardo nahold ng Indonesian Immigration ang dalawa bandang 6:45 ng umaga kahapon, Agosto 21 matapos kanselahin ng gubyerno na kanilang mga Philippine Passport, at inaasahang i-re-repatriate sa Pilipinas ang mga ito.
Si Shiela Guo ay may outstanding arrest order na inisyu ng Senado dahil sa kanyang pagtanggi na makipag-cooperate sa imbestigasyon sa ilegal na POGO sa Bamban na ni-raid noong Marso.
Kasama din sa arrest order si Mayor Guo, na pinanininiwalaang nagtatago sa Indonesia matapos na palihim na makalabas ng Pilipinas, mga magulang nito at iba pang kapatid. | ulat ni Leo Sarne
