Matagumpay na naaresto ng Quezon City Police District (QCPD) ang 2,167 drug suspects at P66,576,724 halaga ng illegal drugs ang nakumpiska mula Enero hanggang Agosto ngayong taon.
Ayon kay QCPD Director Police Brigadier General Redrico Maranan, resulta ito ng kabuuang 1,352 operasyon na isinagawa ng pulisya.
Nakakumpiska ang mga otoridad ng 9,554.49 gramo ng shabu at 12,846 gramo ng marijuana.
Sabi pa ni General Maranan, nananatiling determinado ang QCPD sa kanilang misyon na labanan ang iligal na droga at patuloy na magsasagawa ng matatag na operasyon upang matiyak ang kaligtasan at seguridad ng komunidad. | ulat ni Rey Ferrer
