Naglabas na ng panibagong schedule ang Pamahalaang Lungsod ng Taguig sa mga barangay na iikutan ng kanilang Love Caravan Medical and Dental Mission.
Ayon sa Taguig LGU, ngayong araw ay nasa Central Signal ito partikular sa Visayas Street open space.
Nagsimula ng alas-7 ng umaga ang mga libreng serbisyo at tumagal ito nang hanggang alas-3 ng hapon.
Sa araw naman ng Sabado sa kaparehong oras ay dadayo ito sa Pitogo partikular sa DV Laurill Street corner Romblon.
Inaasahan namang magbibigay ang nasabing caravan ng mga libreng serbisyo gaya ng medical consultation, dispensation of medicines, hearing aid distribution at health orientations.
Diagnostics and laboratory: X-ray, ECG, ultrasound, complete blood count, platelet count, urinalysis, random blood sugar, at blood typing.
Dental services: dental check-up, tooth extraction, nutrition & agriculture, food demonstration, at distribution of vegetables and ingredients. | ulat ni Lorenz Tanjoco
