Kapwa niyanig ng lindol ang mga lalawigan ng Batanes at Eastern Samar ngayong Lunes, September 9.
Batay sa ulat ng Philippine Institute of Volcanology and Seismology (PHIVOLCS), unang niyanig ng Magnitude 5 na lindol ang Eastern Samar kaninang alas-3:28 ng umaga.
Natukoy ang episentro ng pagyanig sa layong 26 kilometro silangan ng Guiuan, Eastern Samar na may lalim na 44 kilometro at tectonic ang pinagmulan nito.
Naramdaman ang Intensity III sa Dulag, Leyte at Catbalogan, Samar; Intensity II naman sa Abuyong at Alangalang, Leyte gayunidn sa Hinunganan at Hinundayan sa Southern Leyte maging sa Sulat, Eastern Samar
Samantala, Magnitude 4.3 naman ang tumama sa Batanes kaninang alas-4:30 ng umaga.
Natukoy ang episentro ng pagyanig sa layong 86 kilometro Silangang-Kanluran ng Sabtang na may lalim na 10 kilometro at tectonic din ang pinagmulan.
Gayunman, walang naitalang lugar ang PHIVOLCS kung saan naramdaman ang pagyanig dahil ito’y nasa karagatan. | ulat ni Jaymark Dagala
