Tuloy-tuloy pa ang pamamahagi ng tulong ng Department of Social Welfare and Development (DSWD) sa mga pamilyang sinalanta ng bagyong Enteng sa Bicol Region.
Mula Setyembre 7 hanggang 8, nakapamahagi pa ng 6,467 na family food packs ang DSWD sa mga apektadong pamilya sa Munisipalidad ng Talisay, Labo, Daet, Basod at Vinzons sa Camarines Norte.
Karagdagan pa rito ang ipinamahaging food packs na aabot sa 1,780 noong Setyembre 7 sa limang apektadong Barangay sa Bombon Camarines Sur.
Pagtiyak pa ni DSWD Regional Office 5 Director Norman Laurio, na mananatili pang on standby ang ahensya para umasiste sa mga naapektuhan ng kalamidad. | ulat ni Rey Ferrer
