Tiniyak ng Philippine Army na pananagutin ang mga teroristang komunista na responsable sa pamamaslang ng isang sundalo sa Barangay Calpi, Bulan, Sorsogon, noong September 6, 2024.
Ito’y matapos na masawi si Cpl. Rodel Felismino nang tambangan ng mga NPA habang nakasakay sa motorsiklo sa nabanggit na lugar.
Kinondena ng Philippine Army ang pag-atake ng NPA sa hindi armadong sundalo na tumutulong lang sa community support program.
Kaugnay nito, ipinaabot naman ng Philippine Army ang taos-pusong pakikiramay sa naulilang pamilya ni Cpl. Felismino na nag-alay ng buhay para sa bayan.
Tiniyak pa ng Philippine Army na tuloy-tuloy ang kanilang operasyon upang matuldukan na ang insurhensya sa bansa. | ulat ni Leo Sarne
