Abiso sa mga motorista…
Inanunsyo ng lokal na Pamahalaan ng Pasig ang pansamantalang pagsasara ng isang lane sa M. Eusebio Ave., partikular mula Jenny’s Ave. Ext. hanggang Sapang Pahilaga-Eastbound sa Brgy. San Miguel.
Ang pagsasara ay magsisimula sa Setyembre 12 at tatagal hanggang Setyembre 16, 2024.
Ayon sa abiso, ang pagsasara ay magaganap tuwing alas-10 ng gabi hanggang alas-4 ng madaling araw kinabukasan upang bigyang-daan ang pagtatanggal ng overhead safety protection.
Kaya naman, pinapayuhan ang mga motorista na planuhin ang kanilang biyahe at gumamit ng alternatibong ruta upang maiwasan ang abala. | ulat ni Diane Lear
