Ipagpapatuloy ng Pilipinas ang dialogue at partnership nito sa Indian Government para sa Financial Technology (FinTech) tungo sa financial inclusion ng bansa.
Pinangunahan ng Department of Finance (DOF) ang inaugural meeting ng joint working group (JWG) on FinTech sa New Delhi, India.
Tinalakay ng JWG ang mga inisyatiba, best practices, at safeguards upang palakasin ang regulatory frameworks at digital infrastructure upang buksan ang mga oportunidad sa larangan ng digital payments, blockchain technology, FinTech solutions na siyang magpapalakas ng mga negosyo.
Inihayag din ng Philippine delegation ang kahandaan na maka-partner ng India upang itatag ang “robust and inclusive” FinTech ecosystem, na pakikinabangan ng mga Pilipino at ekonomiya. | ulat ni Melany Valdoz Reyes
