Madaragdagan ang bilang ng mga Heneral sa hanay ng Philippine National Police (PNP).
Ito’y matapos aprubahan ng National Police Commission (NAPOLCOM) ang promosyon sa 4 na senior officials ng Pambansang Pulisya.
Kabilang sa mga ini-akyat bilang mga bagong Police Brigadier General o 1 star rank sina PCol. Aden Lagradante, PCol. Salvador Alacyang, PCol. Rudencido Reales at PCol. Randy Arceo.
Ang promosyon ay ginawa kasunod na rin ng pagreretiro ng ilang matataas na opisyal ng PNP na may ranggong Police Brigadier General hanggang Police Lieutenant General.
Samantala, inilipat naman si PBGen. Roel Rodolfo bilang Acting Director ng PNP Anti-Kidnapping Group buhat sa Area Police Command-Southern Luzon.
Pinalitan ni Rodolfo si PBGen. Cosme Abrenica na nagretiro na sa serbisyo noong September 27.
