Tiniyak ng Philippine National Police (PNP) na hindi makagagamit ng social media o ano mang gadget si Kingdom of Jesus Christ Founder, Pastor Apollo Quiboloy para sa pangangampanya online.
Ito’y kasunod ng kanyang paghahain ng kandidatura sa pagka-senador para sa Halalan 2025.
Ayon kay PNP Public Information Office Chief, Police Brigadier General Jean Fajardo, kinakailangan ng pahintulot ng korte sa ano mang aktibidad ng isang indibidwal na nasa PNP Custodial Center.
Samantala, wala pang desisyon ang korte sa mosyon ng kampo ni Quiboloy kaugnay ng kanyang hospital arrest.
Nakatakda naman sa November 22 ang Pre-Trial Hearing para sa kasong Qualified Human Trafficking gayundin sa iba pang kapwa akusado nito sa Pasig RTC Branch 159. | ulat ni Jaymark Dagala
