Aabot sa halos P78 milyon halaga ng iligal na droga ang nasabat ng Philippine National Police Drug Enforcement Group o PNP-DEG noong Oktubre.
Ayon kay PDEG Chief Brigadier General Eleazar Matta, nagsagawa ang kanilang grupo ng 71 operasyon mula October 1 hanggang 31, kung saan 80 drug personalities ang kanilang naaresto.
Sa kanilang mga operasyon, nakumpiska nila ang 3,502.20 gramo ng shabu; 33,000 gramo ng kush; 33,040 gramo ng dried marijuana; 45ml ng marijuana oil; 700 marijuana seedlings; at 2,800 fully grown marijuana plants.
Pinuri rin ni Matta ang kanilang mga tauhan sa kanilang dedikasyon sa kampanya laban sa iligal na droga.
Iginiit din niya ang kahalagahan ng pagsunod sa karapatang pantao at batas sa pagsugpo laban sa iligal na droga, alinsunod sa direktiba ni PNP Chief Police General Rommel Francisco Marbil. | ulat ni Diane Lear
