Ipinaalala ng PNP-Civil Security Group (PNP-CSG) na ipinagbabawal ang pagsusuot ng “full” Santa Claus costume para sa mga security guard ngayong nalalapit na ang Pasko.
Sa isang panayam sa Camp Crame, ipinaliwanag ni PNP-CSG Director Police Major General Leo Franciso na mayroong itinakdang uniporme para sa mga security guard.
Kung nais nilang magpalit ng uniporme, kinakailangan muna itong aprubahan ng kanilang tanggapan.
Maaaring mapatawan ng parusa ang security agency na lalabag sa kautusang ito.
Nilinaw naman ni PMGen Franciso, na kahit ipinagbabawal ang “full” Santa Claus uniform, pinahihintulutan naman ang pagsusuot ng sumbrero o Santa hat.
Kaugnay nito, mas pinaigting pa ng PNP-CSG ang koordinasyon sa mga mall operator para sa pagpapalakas ng seguridad ngayong Pasko. | ulat ni Diane Lear
