Nahuli na ang dalawang high-value target drug personalities sa Lalawigan ng La Union.
Sa ulat ng Philippine Drug Enforcement Agency (PDEA), naaresto sina Mike Kevin Ancheta Bane, 29; at Jash Quezada Balonzo, 27; kapwa residente ng Baguio City.
Nadakip ang dalawa sa isinagawang buy bust operation sa Sitio Bataan, Barangay Pagudpud, San Fernando City, La Union.
Nakuha sa kanilang pag-iingat ang dalawang kilo ng pinatuyong dahon ng marijuana na nagkakahalaga ng P60,000, isang celphone, sasakyan na Toyota Altis, at buy-bust money.
Bago nahuli ang mga drug personality, ilang araw ding nagsagawa ng surveillance operation ang mga ahente ng PDEA.
Nakakulong na ang dalawang drug personality sa PDEA Regional Office 1 jail facility sa Camp Diego Silang, Carlatan, San Fernando City, La Union habang inihahanda ang kaso laban sa kanila. | ulat ni Rey Ferrer
