Agad nagpaabot ng tulong ang Department of Social Welfare and Development (DSWD) sa pamilya ng tatlong batang nasawi matapos ma-trap na nasusunog na bahay sa Tondo, Maynila noong December 30.
Sa pangunguna ng DSWD Field Office-National Capital Region (NCR), binigyan ang kaanak ng food subsidy at cash aid na nagkakahalaga ng ₱20,000.
Ayon sa DSWD, patuloy pa itong nakikipag-ugnayan sa Manila LGU upang matukoy ang iba pang uri ng tulong na maaaring maibigay sa mga naulilang pamilya. | ulat ni Merry Ann Bastasa
📸 DSWD
