Naglabas ng mahigit 1,000 show cause orders (SCO) ang Land Transportation Office (LTO) noong 2024.
Ito ay para sa mga dealer ng sasakyan na hindi nagparehistro ng mga bagong biling sasakyan sa tamang panahon.
Ayon kay LTO Chief, Assistant Secretary Atty. Vigor Mendoza II, malinaw sa Citizen’s Charter ng ahensya na dapat maiparehistro ang mga bagong biling sasakyan sa loob ng pitong araw matapos ang transaksyon sa dealership.
Aniya, may ibang dealer na isinisisi pa sa LTO ang problema.
Sa mga inisyung SCO, 21 dealers na ang napatunayang nagpabaya at pinatawan na ng multa. | ulat ni Diane Lear
