Nasa lugar mismo ang head coach ng Ateneo Blue Eagles na si Tab Baldwin nang tangkaing sagipin ang dalawang miyembro ng men’s basketball team na nalunod, sina Rene Baterbonia at Divine Adili.
Ito ang kinumpirma ni Aurora Police Provincial Director Percival Pineda sa panayam sa media sa Camp Crame.
Ayon kay Pineda, nasa “state of shock” umano si Baldwin matapos ang insidente.
Dahil dito, ipinadala ng coaching staff sina Reynaldo Jacinto at Dean Castano upang makapanayam ng mga imbestigador.
Samantala, sinabi ni Pineda na hinihintay pa nila ang medical certificates ng dalawang student-athlete.
Naipasa na rin sa mga awtoridad ang mga nakalap na ebidensya, kabilang ang video recordings mula sa resort, na kasalukuyang sinusuri ng PNP Anti-Cybercrime Group. | ulat ni Diane Lear
About the Author
