Mas pinadali na ang pagbisita sa Hundred Islands National Park matapos ilunsad ng Department of Science and Technology (DOST), Pangasinan State University (PSU) at pamahalaang lungsod ng Alaminos ang pinakabagong digitized system nito.
Sa panayam ng programang Pasyal Pinas, sinabi ni Michael Maquiling ng DOST Pangasinan na layon ng Hundred Islands National Park Management System (HINPMS) na mapabilis ang registration, banca booking, payment processing, at data reporting ng naturang tourist destination.
Ibinahagi rin ni HINMPS Project Leader Paul Andrew Roa ng PSU na gamit ang real-time analytics at cloud-based monitoring, mas mapapabilis ang pagtugon ng Alaminos LGU sa pangangailangan ng mga turista, maging sa paggawa ng mga polisiya na nakabase sa nakalap na datos ng sistema.
Sa parte naman ng Alaminos City Tourism Office, tiniyak ni Miguel Sison ang efficient, transparent at mas pinagandang overall tourism experience para sa mga turista.
About the Author
