DepEd
Dapat mas paigtingin ang mga learner protection systems kasunod ng insidente ng pamamaril sa Tacloban City na ikinasawi ng tatlong estudyante at ikinasugat ng 20 iba pa.
Ayon kay Education Secretary Sonny Angara, ipinakita ng insidente ang pangangailangang higit pang palakasin ang mga mekanismong nagpoprotekta sa mga mag-aaral.
Kabilang dito ang early intervention, mental health at psychosocial support, at pakikipagtulungan ng mga paaralan, pamilya, komunidad, at iba pang ahensya ng pamahalaan.
Dahil dito, ipinag-utos ni Angara ang school-level review ng pagpapatupad ng Guidelines on Ensuring a Safe and Motivating Learning Environment (ESMLE), Child Protection Policy, Anti-Bullying Act of 2013, at iba pang learner protection at school-based mental health programs.
Samantala, agad na nagsagawa ng emergency security meetings ang Schools Division Office ng Tacloban City at nagkaloob ng Psychological First Aid at psychosocial support services para sa mga apektadong mag-aaral, magulang, guro, at kawani.
About the Author
