Umaasa pa rin ang Malacañang na maisasabatas sa lalong madaling panahon ang mga panukalang prayoridad ng Marcos Administration.
Ito ayon kay Communications Undersecretary Claire Castro ay kahit pa abala ang Kongreso sa impeachment trial laban kay Vice President Sara Duterte at sa harap na rin ng nalalapit na budget hearing para sa 2027.
Ilan lamang aniya sa mga panukala na pending pa para sa bicam deliberations, habang ang iba sumasailalim pa sa pagdinig ng Kamara at Senado ay ang: National Center for Geriatric Health, pag-amyenda sa Government Assistance to Students and Teachers in Private Education Act, Universal Access to Quality Tertiary Education Act, at Masustansyang Pagkain Para sa Batang Pilipino Act.
“Iyong National Center for Geriatric Health, pending pa po/pending bicameral conference committee deliberation; number two, amendments to government assistance to students and teachers in Private Education Act pending bicameral conference committee deliberation.” —Castro
Kabilang rin ang AICS Act, Anti Political Dynasty Law, at Presidential Merit Scholarship Program.
“Assistance to Individuals in Crisis Situations Act, again pending bicameral conference committee deliberation; amendments to the Universal Access to Quality Tertiary Education Act, for enrollment process; Last Mile and Geographically Isolated and Disadvantaged and Conflict Affected Areas Schools Act, enrolled copy sent to Malacañang June 25, 2026.” —Castro
Ang iba naman sa mga panukalang ito ay naipadala na ang enrolled copy sa Malacañang.
“Amendments to the Masustansiyang Pagkain Para sa Batang Pilipino Act, sponsored in the plenary last June 17, 2026; Anti-Political Dynasty Law, House of Representatives approved on third reading, Senate second reading period of interpellations; Presidential Merit Scholarship Program, House of Representatives approved on third reading, Senate pending with the Committee on Higher Technical and Vocational Education.” —Castro
Ayon kay Castro, umaasa ang Palasyo na mapapabilis ang paggulong ng mga panukalang ito lalo’t para naman ang mga ito sa mga Pilipino.
“Since iyan po naman din ay priority bills ng Pangulo ay umaasa po siya na ito ay mapapabilis kasi ito ay para talaga sa ating mga kababayan – so, mas gusto niya po itong maipasa agad.” —Castro
About the Author
