PNP-RPIO6
Naitala ng Police Regional Office 6 (PRO6) ang pagkakadakip sa No. 1 Provincial Most Wanted Person ng Antique at ang boluntaryong pagsuko ng No. 8 Municipal Most Wanted Person ng Laua-an sa magkahiwalay na manhunt operations na isinagawa sa lalawigan ng Antique noong July 20, 2026.
Bandang alas-11:00 ng umaga, nadakip ng pinagsanib na pwersa ng Criminal Investigation and Detection Group (CIDG) Antique Provincial Field Unit, Tibiao Municipal Police Station (MPS), at 1st Antique Provincial Mobile Force Company (1st APMFC) si alyas “Dante,” 54 taong gulang, construction worker, at residente ng Barangay Pitac, Tibiao, Antique, sa Barangay Funda-Dalipe, San Jose, Antique.
Si alyas “Dante,” na nakalista bilang No. 1 Provincial Most Wanted Person ng Antique, ay naaresto sa bisa ng Warrant of Arrest para sa kasong Murder na inisyu noong August 25, 2023 ng Regional Trial Court, Sixth Judicial Region, Branch 64, Bugasong, Antique. Walang inirekomendang piyansa para sa kanyang pansamantalang paglaya.
Samantala, bandang alas-12:53 ng tanghali, pinangunahan ng tracker team ng Laua-an MPS, sa tulong ng 2nd Antique Provincial Mobile Force Company (2nd APMFC), ang boluntaryong pagsuko ni alyas “Lyn-Lyn,” 24 taong gulang, babae, walang asawa, maybahay, at residente ng Barangay Lindero, Laua-an, Antique.
Si alyas “Lyn-Lyn,” na nakalista bilang No. 8 Municipal Most Wanted Person ng Laua-an, ay nahaharap sa Warrant of Arrest dahil sa paglabag sa Presidential Decree No. 1602, na inamyendahan ng Republic Act No. 9287 o ang Anti-Illegal Gambling Law. Ang warrant ay inisyu noong Setyembre 18, 2023 ng Regional Trial Court, Branch 64, Bugasong, Antique, na may itinakdang piyansang PHP60,000.00.
“Ang pagkakadakip sa No. 1 Provincial Most Wanted Person ng Antique at ang boluntaryong pagsuko ng isa pang wanted person ay sumasalamin sa epektibong intelligence-driven operations, matatag na koordinasyon ng mga yunit ng pulisya, at mahalagang suporta ng ating mga komunidad. Mananatili tayong walang pagsasawang tutugis sa mga wanted persons, sisiguraduhing haharap sila sa hukuman, at hihikayatin ang mga may nakabinbing Warrant of Arrest na mapayapang sumuko at sumunod sa batas,” ani PBGen Randulf T. Tuaño, Acting Regional Director, PRO6.
Kasalukuyang nasa kustodiya ng pulisya ang dalawang wanted persons habang isinasagawa ang kaukulang dokumentasyon bago sila iharap sa hukuman na nagpalabas ng kani-kanilang Warrant of Arrest.
Nananatiling matatag ang PRO6 sa pagpapatibay ng ugnayan sa iba’t ibang ahensya, pagpapaigting ng manhunt operations, at paghikayat sa boluntaryong pagsuko ng mga wanted persons bilang bahagi ng kanyang adbokasiya para sa Responsive, Trusted, at Transformative Policing tungo sa mas ligtas at mas panatag na Western Visayas.
Ang tagumpay na ito ay sumusuporta sa bisyon ng Philippine National Police na “Bagong PNP para sa Bagong Pilipinas: Serbisyong Mabilis, Tapat, at Nararamdaman,” sa ilalim ng pamumuno ni Police General Jose Melencio C. Nartatez Jr., Chief, Philippine National Police. | ulat ni Jaymark Dagala
About the Author
