Photo courtesy: UNRWA
Itinuturing na malaking hakbang sa usapang pangkapayapaan ang isang kasunduan para sa ganap na pagdisarma ng Hamas at iba pang armadong grupo sa Gaza.
Isinulong ang kasunduan sa pamamagitan ng Board of Peace at bahagi ito ng mas malawak na plano upang tuluyang wakasan ang digmaan sa pagitan ng Israel at Hamas.
Isasagawa ang pagdidisarma sa magkakahiwalay na yugto at bilang kapalit nito, nakasaad sa kasunduan ang unti-unting pag-atras ng mga puwersang Israeli mula sa Gaza at ang pagbuo ng bagong administrasyong Palestino.
Gayunman, sinabi ng Hamas na ipatutupad lamang nila ang kasunduan kung tutuparin din ng Israel ang mga obligasyon nito, kabilang ang pag-alis ng mga sundalo.
Sa kabila nito, nananatiling hindi tiyak ang suporta ng Israel sa kasunduan, habang nagpapatuloy pa rin ang mga pag-atake sa Gaza.
Patuloy namang binabantayan ng pandaigdigang komunidad ang magiging pagpapatupad ng kasunduan at ang epekto nito sa pangmatagalang kapayapaan sa rehiyon.
About the Author
