Sa layong tugunan ang mga mental health concerns na nararanasan ng mga Pilipinong kabataan ngayon, ilulunsad ng Department of Social Welfare and Development (DSWD) ang bagong programa nitong “Tara, Usap!”.
Sisimulan ang rollout ng programa August 13 sa Pamantasan ng Lungsod ng Valenzuela kung saan unang tututukan ang mga youth beneficiaries na nagsisilbing tutors at Youth Development Workers (YDWs).
Ayon sa DSWD, ang Tara, Usap! Program ay isang school and community-based Mental Health and Psychosocial Support (MHPSS) na magiging bahagi ito ng Tara, Basa! National Program.
Sa ilalim ng programa, nakapaloob ang mental health promotion, psychosocial support, family strengthening, peer support at wellness activities.
Dito, sasanayin ang mga kwalipikadong youth beneficiary bilang Peer Facilitators na mangunguna sa mga sesyong tinatawag na “Tara, Kausap Circles.”
Layon ng mga sesyong ito na turuan ang mga kabataan ng psychological first aid, stress management at iba pang kasanayan para matulungan silang harapin ang mga hamon sa mental health at mahikayat ang mas maayos na help-seeking behavior.
About the Author
