Nagpaalala ang Social Security System (SSS) na nananatiling bukas para sa lahat ng kanilang miyembro ang Emergency Loan Program lalo na sa mga labis na hinagupit ng mga nagdaang bagyo at habagat.
Sa panayam ng Mark In, Mark Out kay SSS Vice-President Carlo Villacorta, bukas at maaaring mag-avail ng Emergency Loan Program ang mga miyembrong may hindi bababa sa 18 buwanang kontribusyon at valid na Philippine address na nakarehistro sa SSS.
Papalo sa P1,000 hanggang P20,000 ang maaaring mahiram na halaga depende sa kuwalipikasyon ng miyembro.
Pagdating sa loan term ay may 7% annual interest rate ito at six-month payment moratorium, kung saan magsisimula ang pagbabayad sa ikapitong buwan.
Dagdag pa ni Villacorta na maaaring matanggap ang loan proceeds sa loob ng isang linggo sa pamamagitan ng Electronic Fund Transfer (EFT), basta may aktibong disbursement account ang miyembro.
Maaaring mag-apply para sa Emergency Loan Program ng SSS hanggang April 30, 2027.
About the Author
Paano Po mag avail