Nanindigan si House impeachment panel adviser at spokesperson Robert “Ace” Barbers na dapat ilatag ng prosecution ang lahat ng apat na impeachment articles laban kay Vice President Sara Duterte at huwag putulin ang paglilitis matapos ang confidential funds phase.
Ayon kay Barbers, mas mabuting makumpleto ang presentasyon ng ebidensya upang mabuo ang buong kaso laban sa bise presidente.
Aniya, hindi haka-haka o pamumulitika ang mga alegasyon dahil suportado umano ng ebidensya ang bawat impeachment article.
Kabilang sa mga articles of impeachment ang umano’y maling paggamit at liquidation ng confidential funds ng OVP at DepEd, unexplained wealth, bribery sa DepEd, at grave threats laban sa Pangulo, First Lady at dating Speaker.
Binigyang-diin ni Barbers na malinaw umano ang ebidensyang iniharap ng prosecution sa unang article hinggil sa grave threats at inciting to sedition.
Sa kasalukuyang pagtalakay naman sa confidential funds, sinabi niyang kapansin-pansin ang documentary evidence na inilalatag ng prosecution. Aniya, hindi mabubuo ang buong larawan ng kaso kung may kulang na bahagi, kaya dapat aniyang ituloy ang paglilitis hanggang makumpleto ang lahat ng apat na impeachment articles.
About the Author
