Mula sa PNP-CIDG ay ililipat na sa kustodiya ng Bureau of Jail Management Penology (BJMP) si dating House Speaker Martin Romualdez.
Batay ito sa commitment order na inilabas ng Sandiganbayan Third Division na humahawak sa plunder case ni Romualdez.
Inatasan ni Sandiganbayan Third Division Justice Karl Miranda si Quezon City Jail Male Dormitory Warden JSupt. Maria Lourdes Pacion na tiyakin ang kustodiya ni Romualdez bilang detention prisoner.
Itinakda na rin ng Sandiganbayan ang arraignment at pre-trial ni Romualdez sa Sept. 14, 2026, alas-8:30 ng umaga.
Ongoing naman ngayon ang pagdinig kaugnay sa mosyon ni Romualdez na patuloy na hospital confinement kung saan pinahaharap ang ilan sa mga doktor na sumuri sa medical condition ni Romualdez habang naka-confine sa Cardinal Santos Medical Center.
About the Author
