Senate of the Philippines
Mas nais nina Senator-Judge Raffy Tulfo at Senator-Judge JV Ejercito na Supreme Court ang magpasya kung 24 senador pa rin o mas mababa ang dapat maging basehan sa two-thirds voting requirement para mahatulan si vice president sara duterte sa kanyang impeachment trial.
Ayon kay Tulfo, mas mainam na Supreme Court ang magdesisyon sa usapin kaysa ang impeachment court mismo.
Ganito rin ang pananaw ni Ejercito, na nagsabing mas gusto niyang sa Supreme Court na lang ito dalhin para hindi na aniya humaba pa ang usapin.
Muling nabuksan ang usapin sa voting threshold matapos hilingin ni Senator-Judge Erwin Tulfo na balikan ang ruling ni Presiding Officer at Senator-Judge Francis “Chiz” Escudero na nananatili ang 16 na boto bilang requirement para sa conviction.
Giit ni Senator-Judge Erwin, maaaring kailangan itong repasuhin dahil tatlo sa kanilang mga kasamahan ang hindi pisikal na nakadadalo sa mga paglilitis.
Dahil sensitibo at seryoso ang usapin, nagpasya si Escudero na kunin ang opinyon ng mga amicus curiae o “friends of the court” sa September 16.
suSundan ito ng oral arguments ng prosecution at defense sa September 23, bago bumoto ang mga senator-judge kung babaligtarin o pananatilihin ang naunang ruling ni Escudero. | ulat ni Nimfa Asuncion
About the Author
