Inaprubahan na sa committee level ng Senate Committee on Foreign Relations ang proposed Status of Visiting Forces Agreement (SOVFA) sa pagitan ng Pilipinas at France ngayong Setyembre 10.
Ayon kay Defense Secretary Gilberto C. Teodoro Jr., mahalaga ang kasunduan sa pagpapalakas ng deterrence at strategic resilience ng bansa, lalo na sa harap ng mga hamon sa teritoryo at seguridad.
Binigyang-diin ni Teodoro ang mahalagang papel ng France bilang European at Pacific power, gayundin ang suporta nito sa 2016 Arbitral Award ng Pilipinas at sa international law at freedom of navigation sa ilalim ng United Nations Convention on the Law of the Sea o UNCLOS.
Mahalaga rin aniya ang France sa Philippine defense modernization dahil sa advanced capabilities nito sa maritime, land, air, cyber, at intelligence domains, pati na sa pakikilahok nito sa multilateral military exercises.
Ayon sa kalihim, ang pagpapalawak ng defense partnerships ng Pilipinas ay bahagi ng pagsisikap na palakasin ang deterrence posture at resilience ng bansa.
Hindi lamang military cooperation ang saklaw ng partnership sa France, kundi maging ang industrial, technological, economic, at disaster resilience cooperation.
Matapos ang committee-level approval, ie-endorso ang SOVFA sa Senate plenary para sa concurrence.
Nilagdaan ang Philippines-France SOVFA noong Marso 26, 2026 nina Secretary Teodoro at French Minister for the Armed Forces and Veterans Catherine Vautrin.
About the Author
