Magkakaroon ng dagdag na ₱42 kada araw sa minimum wage ng mga manggagawa sa pribadong sektor sa Central Visayas, simula Oktubre 14.
Ayon sa DOLE, tinatayang 337,476 private-sector workers ang makikinabang sa dagdag-sahod.
Sa ilalim ng Wage Order No. ROVII-27, tataas ang minimum wage sa Class A areas mula ₱540 tungong ₱582 kada araw, habang mula ₱500 magiging ₱542 naman sa Class B areas.
Sakop ng Class A ang Expanded Metro Cebu, kabilang ang mga lungsod ng Carcar, Cebu, Danao, Lapu-Lapu, Mandaue, Naga at Talisay, pati ang Compostela, Consolacion, Cordova, Liloan, Minglanilla at San Fernando.
Hiwalay namang ₱500 ang dagdag sa minimum monthly wage ng mga kasambahay, mula ₱7,000 magiging ₱7,500, sa ilalim ng Wage Order No. ROVII-DW-06.
Ayon kay DOLE Secretary Francis N. Tolentino, na chair ng National Wages and Productivity Commission, unanimous ang desisyon ng worker at employer representatives.
Samantala, para kay Johanna Mundo, isang 35-anyos na minimum wage earner sa Mandaue City, malaking tulong ang dagdag na ₱42 para sa pamasahe, gasolina at iba pang pang-araw-araw na gastusin.
About the Author
