Ipinakita ni Senator-Judge Erwin Tulfo sa impeachment trial nitong Lunes ang mga video ng National Bureau of Investigation (NBI) tungkol sa dalawang ari-ariang umano’y iniuugnay kay Vice President Sara Duterte at sa kanyang pamilya.
Sa Day 38 ng trial, tinanong ni Tulfo si Financial Forensic Analyst Atty. Alexander Cabrera kung kasama ang mga ito sa sinasabing ₱817.87 milyong pisong undeclared wealth na natukoy umano sa pananalapi ng mag-asawang Duterte at Manases Carpio.
Gayunman, sinabi ni Cabrera na hindi niya matiyak kung kasama ang mga ito sa kanyang pagsusuri hangga’t hindi niya nakikita ang mga titulo at kaugnay na dokumento.
Tiniyak naman ni House Prosecutor Representative Chel Diokno na iimbestigahan ng prosecution panel ang mga naturang ari-arian. | ulat ni Nimfa Asuncion
About the Author
