Umabot sa US$3.20 billion ang cash remittance ng bansa base sa tala ng Bangko Sentral ng Pilipinas.
Mas mataas ito ng US$3.12 bilyong naitala sa kaparehong buwan noong 2025.
Nananatiling nangunguna ang Estados Unidos sa mga bansang may pinakamalaking ipinadalang pera sa Pilipinas, kasunod ang Singapore at Saudi Arabia.
Bukod sa mga perang ipinadala sa pamamagitan ng mga bangko at informal channels, nakapagtala rin ng bahagyang pagtaas ang seasonally adjusted personal remittances—na sumasaklaw pati sa mga padalang in-kind.
Ipinapakita nito ang tuloy-tuloy na pagpasok ng pondo kahit isinaalang-alang ang mga seasonal factors.
Sa pangkalahatan, parehong nagpakita ng katamtamang paglago ang cash at personal remittances mula Enero hanggang Setyembre 2026.
Dagdag pa ng Central Bank, patuloy nitong pinalalakas ang kakayahang gumastos ng sambahayan at pinasisigla ang lokal na ekonomiya, na nagpapatunay sa mahalagang papel ng mga OFW bilang matatag na pinagkukunan ng kita at foreign exchange ng bansa.