Aabot sa P15,140,880 ang halaga ng illegal drugs ang nasamsam ng Navotas Police sa matagumpay na anti-drug operation kaninang umaga sa Navotas City.
Kasabay nito ang pagkaaresto sa 40-taong gulang na lalaking Chinese national at 28-taong gulang na babae, kapwa residente ng Brgy. Manganvaka, Subic, Zambales.
Sa ulat ng Northern Police District (NPD), nagsagawa ng buy bust operation ang Station Drug Enforcement Unit ng Navotas City Police Station, sa koordinasyon ng Philippine Drug Enforcement Agency.
Nakumpiska ng mga otoridad ang pinaghihinalaang shabu na may timbang na 2,226.6 gramo bukod sa iba pang drug paraphernalia. | ulat ni Rey Ferrer
