Binigyang linaw ngayon ng lider ng Kamara ang pagtaas sa pondo ng Congress of the Philippines, sa ilalim ng 2025 National Budget.
Batay sa inaprubahang bicameral conference committee report, nasa P17.3 billion ang pondo ng Kamara, habang P1.1 billion para sa Senado.
Ayon kay House Assistant Majority Leader Jude Acidre, gagamitin ang dagdag na budget na ito para sa pagsasa-ayos ng mga gusali at imprastraktura sa Batasan Complex.
Batid naman aniya ng lahat na 1980’s pa ang imprastraktura sa Batasan, at mas dumami na ang mga mambabatas.
Katunayan, kulang na rin aniya ang mga opisina at mga kwarto para sa committee hearings.
Maliban sa Kamara, tinatapos din aniya ng Senado ang pagpapatayo sa bago nitong gusali. | ulat ni Kathleen Forbes
