Inihayag ng Philippine National Police (PNP) na “generally peaceful” ang naging pagdiriwang sa Bisperas ng Pasko o Christmas Eve sa buong bansa.
Ayon sa PNP, walang naitalang anumang insidente ng karahasan sa pagsalubong ng Pasko, kasama na ang siyam na araw ng Simbang Gabi.
Tinututukan din ng PNP ang mga matataong lugar gaya ng mga mall, pasyalan, at simbahan, at iba pang estratehikong lokasyon.
Tiniyak naman ni PNP Spokesperson Police Brigadier General Jean Fajardo na patuloy ang mahigpit na pagbabantay ng PNP sa buong bansa, at hindi ito magbababa ng seguridad. | ulat ni Diane Lear
