Mawawalan ng tubig ang ilang bahagi ng Lungsod ng Taguig simula mamayang alas-10 ng gabi.
Batay sa inilabas na advisory ng Manila Water, mawawalan ng tubig ang bahagi ng Barangay Palingon at Barangay Ibayo-Tipas, partikular sa kalye ng Daang Manunuso sa may Labao corner Gen. Natividad St.
Ito ay dahil sa isasagawang line meter replacement na magtatagal hanggang alas-kwatro ng madaling araw bukas.
Nagpaalala ang Manila Water sa mga konsumer nito sa mga apektadong lugar na mag-imbak ng sapat na tubig upang may magamit sa oras ng water interruption. | ulat ni Gab Humilde Vilegas
