Good news para sa ating mga manggagawa dahil inanunsyo ng Deparment of Labor and Employment (DOLE) na makatatangap ng double pay ang mga manggagawang magtatrabaho sa mismong araw ng June 28 kasunod ng paggunita ng Eid’l Adha o Feast of Sacrifice.
Ayon kay Labor Secretary Bienvenido Laguesma, ang mga empleyado na papasok o magtatrabaho sa nasabing araw ay pagkakalooban ng 200 percent ng kanilang arawang sahod.
Kaunay nito ang mga magtatrabaho naman ng mahigit walong oras o mag-oovertime sa mismong araw ay magkakaroon ng karagdagang 30 porsyento ng bawat oras na kita.
Habang ang mga manggagawang hindi papasok sa trabaho ay makatatanggap pa rin ng 100 percent ng kanilang sahod sa naturang araw. | ulat ni Arrian Jeff Ignacio
