Binigyang diin ni Pangulong Ferdinand R. Marcos Jr. ang malalim na ugnayan ng Pilipinas at Estados Unidos, kasabay ng pagdiriwang ng Philippine-American Friendship Day ngayon araw, ika-4 ng Hulyo.
Sa maikling mensahe ng pangulo, hinikayat nito ang kapwa mamamayan ng US at Pilipinas na manatiling nakatindig ng magkasama, kasabay ng pagkilala sa demokrasya, kalayaan, at pagkakapantay-pantay na umiiral sa kapwa bansa.
“On this joyous occasion of Philippine-American Friendship Day, we commemorate the deep connection between our nations, built on the foundation of trust and collaboration.” — Pangulong Marcos Jr.
Kasabay na rin aniya ng paghulma pa ng daan tungo sa mas mayabong na hinaharap para sa lahat, kung saan walang maiiwan.
Pagbibigay diin ng Pangulo, sa tiwala at kolaborasyon nagmula ang malalim na koneksyon ng Pilipinas at Amerika.
“As allies, let us continue to stand together, embracing the values of democracy, freedom, and equality, forging a path towards a more prosperous and inclusive future for all.” — Pangulong Marcos | ulat ni Racquel Bayan
