Patuloy na naghahanda ang National Capital Region Police Office (NCRPO) para sa ikalawang State of the Nation Address (SONA) ni Pangulong Ferdinand R. Marcos Jr., sa July 24.
Ayon kay NCRPO Acting Regional Director Police Brigadier General Jose Melencio Nartatez Jr., may mga nakahanda na silang security plans at palagi itong isinasailalim sa review upang masigurong magiging maayos ang nasabing aktibidad
Kaugnay nito, magpapakalat rin ang NCRPO ng tinatayang nasa 22,000 tauhan na ipapapakalat sa mga lugar na dadaanan ng Pangulo, kabilang na ang Batasang Pambansa.
Makikipag-ugnayan rin ang NCRPO sa mga militanteng grupo, upang matiyak ang kaayusan sa araw ng SONA ni Pangulong Marcos. | ulat ni Gab Villegas
