Narekober ng mga tauhan ng PNP Drug Enforcement Group (PDEG) ang 1.8 milyong pisong halaga ng marijuana mula sa dalawang teenager na suspek sa Makisig St., Brgy. San Roque, Pandi, Bulacan.
Sa ulat ni PDEG Director Police Brig. General Faro Antonio O Olaguera kay PNP Chief Police Gen. Benjamin Acorda Jr., kinilala ang mga arestadong suspek na sina: Napoleon Hiponia Ramos, 18, at Romel Mejelliano Ochia, 19.
Isa sa kasamahan ng mga suspek na kinilalang si Eurice Rain Bautista Tiqui, a.k.a. Gado, ang nakatakas sa isinagawang buy-bust operation kahapon.
Narekober sa mga arestadong suspek ang 2.75 kilo ng Dried Marijuana leaves at 1 kilo of High Grade Marijuana (Kush).
Ang mga suspek ay dinala sa Pandi Municipal Police Station para sampahan ng kasong paglabag sa R.A. 9165 o Comprehensive Dangerous Drugs Act of 2002. | ulat ni Leo Sarne
