Binati ni PNP Chief Police General Benjamin Acorda Jr. ang mga nagwaging police team sa Civil Disturbance Management (CDM) Exercise na isinagawa sa Camp Bagong Diwa, sa Taguig kahapon.
Sa naturang kompetisyon, nag-kampeon ang Southern Police District (SPD); habang First runner-up ang Quezon City Police District (QCPD) ; at Second runner-up ang Special Action Force (SAF).
Lumahok sa kompetisyon ang limang Police District ng National Capital Regional Police Office (NCRPO), Regional Mobile Force Battalion (RMFB), at SAF.
Dito’y ipinamalas ng mga CDM team ang kanilang kakayahan na masiguro ang maayos at mapayapang pagdaraos ng SONA ng Pangulo sa pamamagitan ng epektibong pag-kontrol ng mga kilos protesta ng may paggalang sa karapatang pantao.
Sa kanyang pagbati sa mga lumahok sa ehersisyo, ipinaalala ni Gen. Acorda na tungkulin ng mga pulis na mapanatili ang maayos na situasyon para sa lahat ng nagnanais na magpahayag ng kanilang saloobin. | ulat ni Leo Sarne
📷: PNP-PIO
