Suportado ng European Commission ang 2016 arbitral award na iginawad sa Pilipinas, laban sa claims ng China sa West Philippine Sea (WPS), kabilang na ang historic claims nito sa buong SCS.
Sa naging pagbisita ni European Commission President Ursula von der Leyen, sinabi nito na na ang 2016 arbitral tribunal award ay legally binding, at nagsisilbing basehan para sa mapayapang pagresolba ng mga usapin ng mga nasyon na nag-aagawan ng teritoryo sa South China Sea (SCS).
“The European Union underlines that the 2016 award of the arbitral tribunal on the South China Sea is legally binding, and that it provides the basis for peaceful resolving disputes between the parties.” — President Von der Leyen.
Kaugnay nito, siniguro ng opisyal ang kahandaan ng European Commission sa pagtulong sa pagpapalakas ng maritime security ng Pilipinas, sa pamamagitan ng pagsasagawa ng kaliwa’t kanang aktibidad, katuwang ang Philippine Coast Guard, at National Coast Watch Center.
“We are ready to strengthen the cooperation with the Philippines on maritime security in the region by sharing information, conducting threat assessment and building the capacity of your national Coast Watch center and your Coast Guard.” — President Von der Leyen. | ulat ni Racquel Bayan
📷: PCO
