Magsasagawa ng review ang Department of Budget and Management (DBM) sa ipinapatupad na livelihood program ng pamahalaan.
Sa naging briefing ng Development Budget Coordination Committee (DBCC) sa 2024 Budget, sinabi ni DBM Sec. Amenah Pangandaman na nais ni Pang. Ferdinand R. Marcos Jr. na i-rationalize ang lahat ng livelihood programs at projects.
Noon aniyang aralin ng Chief Executive ang National Expenditure Program ay napansin nito ang tila hiwa-hiwalay at napakaraming ahensyang nagpapatupad ng livelihood program.
Sisimulan aniya nila ang pag-repaso ng programa ngayong taon at posibleng sa 2025 ay isailalim na lang sa iisang ahensya ang pagpapatupad ng livelihood programs at itutuon ito sa tunay na nangangailangan ng tulong.
“The President actually instructed us to rationalize all the livelihood projects and programs under the national government. Because when he [Pres. Ferdinand R. Marcos Jr.] reviewed the NEP, the President’s budget, he thought that there’s a lot of agencies who provide livelihood programs separately. So by 2025, we will start our study this year and by 2025 maybe we’ll just concentrate the livelihood projects and at the same time focus on those who really needs the program.” pahayag ni Pangandaman. | ulat ni Kathleen Jean Forbes
