Siniguro ng Manila International Airport Authority (MIAA) na walang maapektuhang flight operation sa isinasagawang electrical maintenance ngayong umaga.
Ayon sa MIAA, nakaplano na ang pag-upgrade ng mga electrical facilities partikular sa International Wing ng NAIA Terminal 3.
Nagsimula ang electrical maintenance ng alas-6:00 ng umaga at inaasahang matatapos ng alas-11:00 rin ngayong umaga.
Kaugnay nito, naka-activate na rin ang mga generator upang matiyak na may supply ng kuryente sa mga critical facilities upang magamit rin ang iba pang pasilidad sa nasabing paliparan.
Samantala, humingi naman ng paumanhin ang MIAA para sa anumang abala na maaaring idulot nito sa mga pasahero. | ulat ni AJ Ignacio
