Binigyan lamang ni Bureau of Corrections (BuCor) Director General Gregorio Pio P. Catapang Jr. ngayong araw ang mga persons deprived of liberty (PDL) para baklasin ang kanilang mga kubol mula sa iba’t ibang penal farms sa bansa.
Ayon kay Catapang, layon ng kanyang pagpapabaklas ng kubol ay para maipatuloy malinis ang loob ng mga piitan sa pitong Operating Prison and Penal Farms nationwide na boluntaryong baklasin ang kanilang mga kubol.
Sa ngayon, nasa 60 makeshift rooms o kubol na matatagpuan sa security housing building 1 sa New Bilibid Prison (NBP) ang nabaklas na kaninang umaga .
Samantala, nagbanta si Catapang na kapag mayroon pang mga kubol na natira ngayon ay sisirain ito ng BuCor personnel mula sa Diversified Maintenance Unit nito.| ulat ni AJ Ignacio
