Upang mas maramdaman ng embo barangays ang mga benepisyong hatid ng lungsod ng Taguig, nais palawigin ng lokal na pamahalaan ang “Life Line Scholarship Program”.
Ayon kay Taguig City Mayor Lani Cayetano, nais din nitong mapasama Ang 10 embo barangays sa nasabing programa.
Dito, may pagkakataon ang mga mag-aaral na makatanggap ng mula P15,000 hanggang P50,000 na taunang financial assistance.
Kaugnay nito, kabilang din sa nasabing programa ang mga propesyonal na nais kumuha ng masteral degree lalo na ang mga guro na nagtuturo sa Schools Division ng DepEd Taguig upang mas mapalawak pa ang kanilang career sa pagtuturo. | ulat ni AJ Ignacio
