Nakatanggap na rin ng ayuda mula sa Department of Social Welfare and Development (DSWD) ang mga micro rice retailer sa Western Visayas.
Ito ay sa ilalim ng Sustainable Livelihood Program (SLP)-cash assistance ng DSWD.
Layon nitong tulungan ang mga rice retailer na tumalima sa Executive Order 39 ni Pangulong Ferdinand R. Marcos Jr. na price cap sa bigas.
Isinagawa ang payout sa Iloilo City at Negros Occidental sa pamamagitan ng DSWD Field Office Western Visayas.
Nasa P720,000 na subsidy ang kabuuang naipamahagi sa mga small business owner sa rehiyon.
Tiniyak naman ni DSWD Western Visayas Regional Director Atty. Carmelo Nochete, na unang batch pa lamang ito ng ayuda.
Aniya, ginagawa lahat ng DSWD at DTI ang lahat upang maibigay ang kinakailangang pang tulong para sa mga rice retailer. | ulat ni Diane Lear
