Dahil sa malapit ang Lungsod ng Las Piñas sa pagdarausan ng bar exams sa Muntinlupa City, naglabas ng traffic advisory ang lokal na pamahalaan ng lungsod para sa inaasahang mabigat na daloy ng trapiko, sa darating na September 17 hinggil sa isasagawang 2023 Bar examinations.
Ayon sa Las Pinas City Traffic Bureau, ito ay upang maging aware ang mga motoristang babagtas sa Alabang Zapote Road sa Linggo, dahil sa pagdagsa ng mga kukuha ng pagsusulit sa 2023 bar examinations mula September 17, 20 at 24 dahil isa ang San Beda University sa Alabang sa pagdarausan ng exam.
Kaya naman abiso sa mga motorista, na mag-isip na ng alternatibong ruta upang makaiwas sa inaasahang bigat ng daloy ng trapiko. | ulat ni AJ Ignacio
