Natanggap na ng mga Pamahalaang Lungsod ng Marikina at Taguig ang mga handheld ticketing device gayundin ang iba pang kagamitan para sa pagpapatupad ng Single Ticketing System.
Pinangunahan ni MMDA Assistant General Manager for Operations David Angelo Vargas ang pamamahagi sa Taguig City na tinanggap naman nina Taguig City Mayor Lani Cayetano at mga opisyal nito sa city hall.
Sa Marikina, tinanggap naman ito ni Marikina City Administrator Janet Obispo.
Kabilang sa itinurn-over ng MMDA Management Information Systems Staff (MISS) sa dalawang LGUs ang 30 handheld ticketing devices, server, server rack, UPS, work stations, printers, software, at 60 piraso ng SIM cards. | ulat ni Jaymark Dagala
📸: MMDA
