Tuloy-tuloy pa rin ang pagbibigay tulong ng Department of Social Welfare and Development (DSWD) sa mga lalawigan sa Mindanao na naapektuhan ng mga pag-ulan at pagbahang dulot ng Intertropical Convergence Zone (ITCZ) noong nakaraang linggo.
Sa ulat ng Disaster Response Operations Monitoring and Information Center (DROMIC), as of September 24, ay aabot na sa ₱7.8-million ang halaga ng humanitarian assistance ang naipaabot nito sa mga apektadong rehiyon.
Kabilang dito ang Region 9, 11, 12, at pati na ang BARMM.
Kabilang sa naihatid na ng DSWD field offices ang family food packs at non-food items lalo na sa mga inilikas na pamilya.
Sa pinakahuling tala ng DSWD, nasa 233 na pamilya pa o halos 1,000 indibidwal ang nananatili sa evacuation centers sa sampung evacuation centers. | ulat ni Merry Ann Bastasa
